Setho sa sesole sa Lesotho Private Tumo Ramoepana, o ahlotsoe lilemo tse 20 chankaneng a sa itefelle, kamor’a ho fumanoa a le molato oa polao ea motho ka sehlooho, ke Lekhotla le Phahameng, ka Labohlano la beke ena. Ramoepana o ne a thunye Motlatsi Mpomane ka 2018 a le Khubetsoana Berea, a ne a re o mokolota likete tse 20 tsa Maloti ho tloha ka 2012, tseo eo eseng e le mofu a neng a mo rekisetse koloi ea bosholu, ha a e khutlisa a se mo buselletse chelete. Kahlolo e fanoe ke moahloli ‘Mabats’oeneng Hlaele.